被詐型見面少 田蕊妮怨老公北上

田蕊妮昨日出席活動宣傳劇集，龔嘉欣、朱慧敏、李璧琦與朱璇等扮兔女郎晒美腿撐場。田蕊妮透露《誰家灶頭無煙火》拍至八月，對於劇集被指卡士弱，她謂：「卡士係好重要，但劇本都好緊要，呢個劇劇本好好，演員好團結。」
結婚多年的田蕊妮仍未想過生兒育女。
結婚多年的田蕊妮仍未想過生兒育女。

田蕊妮透露現時一日拍一組戲，放工既可返屋企做家庭「煮」婦，又可陪媽咪。提到老公杜汶澤之前詐型，指只在電視螢光幕才可見她，田蕊妮笑說：「我夠詐型啦！佢成日都返大陸，都唔知大陸係咪真係成日咁多嘢做，不過佢都係搵錢啫。」之前被懷疑有孕的她坦言體形發福：「畀人話有咗，真係好hurt，即係又肥咗啦！（咁幾時生？）依家真係冇時間，同我老公度吓期先，老公其實冇乜所謂。」

左起：龔嘉欣、李璧琦及朱璇以兔女郎打扮示人，大晒美腿。
  • 左起：龔嘉欣、李璧琦及朱璇以兔女郎打扮示人，大晒美腿。