緋聞情侶肉緊咀嘴 李詩韻醉擒鄭嘉穎
鄭嘉穎與李詩韻因合作拍劇被指眉來眼去而傳出緋聞，二人前晚拍咀戲時，帶醉的詩韻捉實嘉穎強吻，兩人表現駕輕就熟，咀得非常肉緊。
嘉穎與詩韻都是單身貴族，尤其近日大眾目光放在陳豪、陳茵媺是否撻着之際，令這一對亦被密切關注。早前有傳他們開工時眉目傳情，監製羅永賢也似有意撮合，笑言若成事要收他們的媒人利是。
多謝監製帶挈
前晚嘉穎與詩韻在跑馬地為新劇《拳王》拍攝首場咀戲，劇情講述詩韻戀上有婦之夫，上門找男方要求攤牌，但遭好友嘉穎勸止，帶醉的詩韻即強吻嘉穎。期間拉扯戲份有身體接觸，最後詩韻更用力按住嘉穎頭部吻下去，咀得非常肉緊，二人亦未見尷尬，反而駕輕就熟。對於監製指要做媒人，嘉穎笑說：「唔該晒！」
事後問拍咀戲有否尷尬？嘉穎謂：「撈咗咁多年，點會尷尬吖！做嘢就係咁，我哋好專業嘅。（驚唔驚傳緋聞？）唔會啦！不過詩韻係好專業嘅演員，好用心演戲，我都睇好佢，依家公司力捧佢，所以好快有獎攞。」另問詩韻可感尷尬？她說：「嘉穎有經驗，我入行好少拍咀戲，事前大家溝通得好好，嘉穎知我唔慣教我好多嘢，所以拍得舒服。」對於剛開工即傳緋聞，會否真有發展可能？她稱：「我哋之前拍劇已經熟，可能因為咁至話有嘢啦！」
文：影視組