G.E.M.避談收30萬唱一場
G.E.M.個唱賣個滿堂紅，並火速加開一場，昨日她出席活動時表示非常開心，未想過首兩場門票會於一個鐘售罄，問到排練進度如何？她說：「兩個月前開始籌備音樂，依家都跳咗兩、三次舞，已經上晒軌道！」對於有傳G.E.M.一場歌酬要30萬時，她只謂器材及上堂已花了很多錢，希望可以覆蓋其支出，沒有作正面回應。
已有舞台演出經驗的G.E.M.坦言今次開個唱感覺不一樣，她坦言：「之前喺Star Hall開個唱嘅感覺似唱K，但因為今次多咗參與，大家都好接納我畀嘅意見，所以感覺都有唔同，似番個音樂人！」