導演聞孫興被捕:咁大鑊?

孫興去年拍完由蔡晶盛執導,與鍾欣桐等合作的劇集《女媧傳說之靈珠》,該劇最近在江蘇衛視開播,收視高企。對於孫興涉嫌吸毒,導演蔡晶盛表示:「吓!咁大鑊?咁點搞呀?我覺得佢個人好開朗好好玩,拍戲期間大家都有傾有講。(佢有冇不良嗜好?)應該冇啩,拍完戲大家私底下都冇聯絡。」

由於孫興的電話一直未能接通,記者昨日致電其助手王先生,他卻否認孫興涉毒被拘留一事,並指孫興在拍戲故關手機,但當記者要求直接與孫對話時,他即時拒絕,只着記者留電話號碼待覆。