周秀娜Baby升格 薛凱琪出事

Dorian心目中的最靚人選，非劉嘉玲莫屬，能夠在大雨中仍然企定定讓傳媒拍照，兼送上飛吻，戴過億卡地亞首飾的她，舉手投足均有王者風範，他說：「冇人夠佢嚟，佢一身打扮絕對係好啱行紅地氈，好大方，由頭到腳都好恰當。」

Baby嫌太瘦

最令他刮目相看的，竟然是周秀娜和Angelababy，從來沒有與o靚，今次件黑色deep V晚裝，佢完全carry到，唔覺得刻意暴露和賣弄，有啲人太性感會覺得cheap，但佢着得好靚，佢同Baby，一個時代感，一個古典美，各有美感，兩個好唔同味道，唔似周秀娜平時的衣着，今次絕對要加分，佢近期已經唔走性感路線，今日更加升格，擺脫o靚模feel。」

然而Baby行紅地氈時，卻不時用手抽起裙身，事後她嫌自己太瘦，好難找到合身晚裝。前露後露的周秀娜，搞爛gag說不擔心雨水入胸，笑言出席前已飲了很多水。

有讚自然有彈，Dorian眼見全場最出事的，一定是薛凱琪，但他認為錯不在她的D&G裙，而是髮型和手袋，成為最娘的配搭：「唔知佢想點，佢着衫好一時時，今日真係失手，頭髮大鬈曲，頭錯，袋又選錯，同條裙撞色，遠睇會睇唔到個袋，着起條裙令佢好矮，佢皮膚又黑，揀咁嘅色裙唔啱佢，皮膚白啲會冇咁難睇，一句講晒唔夠大器，又冇少女味，有啲娘感。」至於另一出事得主乃湯唯，Dorian認為問題出於她的樣子古典，穿紅色太過普通，而且她件Escada領口太寬，因為她佩戴的鑽飾太小，而最弊是她寒背。

薛凱琪 晚裝：D&G吊帶碎花裙及袋（４萬元） 鑽飾：230萬	陳嘉桓 晚裝：Dorian Ho（3萬元） 鑽飾：金至尊（250萬元）	賈曉晨酥胸半露，性感度爆燈。 晚裝：Walter Ma 鑽飾：Forevermark（逾100萬元）
與李治廷結伴出席的Janice Man，獲大會頒發衣着大獎。	惠英紅 晚裝：Moiselle	官恩娜 晚裝：Salvatore Ferragamo
楊千嬅戰衣盡濕，她擔心要賠給贊助商。 晚裝：Stephane Rolland Couture	謝安琪擔任頒獎禮的表演嘉賓，以歌聲揭幕。 晚裝：BCBG	徐子珊穿上露背裝，沒有份爭影后，惟有爭影後。

謝安琪失手

至於另一內地女星周迅身上的Chanel，他認為適合又高又瘦的人穿着，但周迅穿出來卻好似「包糉」般，令她變得很矮，而且裙太淺色才出事。至於謝安琪的BCBG晚裝，他認為款式太過普通，是美國周街買到的款式，有點失手。

文：名人組