霆鋒chok爆稱帝 劉嘉玲破蛋封后
第30屆香港電影金像獎昨晚圓滿結束，從影多年的謝霆鋒和劉嘉玲雙雙首度封后稱帝，霆鋒成功挑戰三屆影帝周潤發獲獎，向父親謝賢講出埋在心中12年嘅內疚，至於五戰五敗的劉嘉玲，終於在第六次提名開齋封后。
今年三十一歲的謝霆鋒十六歲入行，經多年努力，由青春偶像成功邁向實力演員，近年常有令人耳目一新的演出，首度提名影帝挑戰前輩周潤發、梁家輝、張家輝和張學友登上影帝寶座。宣布得獎一刻霆鋒擺出chok爆甫士，繼而攬實身邊的太太張栢芝，栢芝隨即哭成淚人。首度成金像獎影帝，向太太深情致謝。
向父親致歉
霆鋒更向父親謝賢致歉，坦言18歲得新人獎時，曾無禮地對待父親：「佢當時同我講佢拍咗幾百部戲電視劇，我問佢你有冇攞過金像獎？跟住成個獎擺喺枱，今日我知佢睇緊電視，呢個說話「銀」咗喺心12年，希望佢唔好放係心，原諒呢個不知天高地厚無禮貌嘅小朋友，能夠養大呢個咁麻煩嘅小朋友。」
46歲的劉嘉玲曾經歷五戰五敗滋味，終於憑《狄仁傑之通天帝國》第六度提名，此片共獲六項大獎成為大贏家。嘉玲在一片爭議聲之中開齋一嘗影后滋味，美中不足的是丈夫梁朝偉未能陪同即時分享喜悅。嘉玲感激導演及台前幕後工作人員，同時更公開將獎項送給媽媽及感激丈夫說：「佢想我攞呢個獎想咗好耐，今日我將個獎送畀你！另外，我都要好多謝我老公，佢今日send多咗好多短訊畀我，多謝你咁多年畀咗好多自由我，雖然我知我拍馬都追唔到你。」
送獎給偉仔
發哥昨晚任頒獎嘉賓妙語如珠成全晚高潮所在，他直言自己經常以謙虛及卑賤的心態去面對電影，因為電影實在太多東西學，他說：「有機會來生返嚟再做藝人，我想嘅，冇一個行業畀到咁豐富嘅知識你，好似一本百科全書。」發哥雖同為影帝候選人，但不避嫌公開力撐謝霆鋒，令到坐在霆鋒身邊的栢芝眼泛淚光，發哥於台上說：「香港電影未來30年就靠你啦，霆鋒！我前晚撞到你阿媽拉姑，我叫佢嚟撐吓你，點知畀佢「藐」我，我覺得佢唔係幾啱，霆鋒我撐你。」
影后大熱劉嘉玲壓軸以Versace晚裝現身，前後Deep V兼高叉性感非常，由於天雨關係，嘉玲全身沾滿雨水，於擔上梯級時惹來透底疑雲，不過嘉玲仍風騷非常，不斷向傳媒及圍觀者揮手，而獲卡地亞贊助過億鑽飾的她，雖然未有丈夫梁朝偉陪伴，但嘉玲坦言絕不空虛。
第30屆金像獎得獎名單
最佳電影
《打擂台》
最佳導演
徐克《狄仁傑之通天帝國》
最佳編劇
彭浩翔、麥曦茵《志明与春嬌》
最佳男主角
謝霆鋒《綫人》
最佳女主角
劉嘉玲《狄仁傑之通天帝國》
最佳男配角
泰迪羅賓《打擂台》
最佳女配角
邵音音《打擂台》
最佳新演員
陳奐仁《李小龍》
最佳攝影
鮑德熹《孔子 決戰春秋》
最佳剪接
張嘉輝《葉問2》
最佳美術指導
趙崇邦《狄仁傑之通天帝國》
最佳服裝造型設計
余家安《狄仁傑之通天帝國》
最佳動作設計
洪金寶《葉問2》
最佳原創電影音樂
泰迪羅賓、韋啟良《打擂台》
最佳原創電影歌曲
《Here To Stay》
（《東風破》）
作曲：恭碩良
填詞：恭碩良
主唱：恭碩良
最佳音響效果
王丹戎、趙楠《狄仁傑之通天帝國》
最佳視覺效果
李庸基、南相宇《狄仁傑之通天帝國》
新進導演
莊文強《飛砂風中轉》
最佳亞洲電影
《告白》
終身成就獎
黎筱娉（角川洲立集團主席）
專業精神獎
陳自強
文：影視組