陳秀雯誓追欠薪 亞視：冇欠任何嘢

秀雯08年6月約滿亞視，因《法網群英》趕着開拍，故在傾妥新約但未簽約下先行開工，轉眼兩年多，劇集亦早已播完，她聲稱從未收過一蚊片酬，日前秀雯跟姜皓文等為舞台劇《情歸何處》開會時，她有感而發說：「亞視宣傳片話呢個劇得獎係努力得到回報，好遺憾，我一蚊都未收到。」

開工講個信字

拍罷《法》劇後秀雯因亞視換老闆，原先傾好合約的何定鈞班底撤換，新班子向她表示短期內不會開劇，故新約要無限期押後。秀雯不介意將來有否合作機會，但聲稱亞視卻從未支付《法》劇報酬，她多次透過律師向亞視追討七位數字酬勞，卻被一拖再拖，最近的回覆更是「冇欠你任何嘢」，令她覺得有必要為自己討回公義：「我同律師講，如果茶餐廳搵我洗一日碗，承諾聽日同我簽長約兼畀呢日人工我，點知我洗完之後話唔簽，律師都話亞視應該要畀酬勞我。最奇怪係舊年劇集出街，亞視冇我簽嘅合約，又未畀酬勞，點解可以當冇件事？拍咁多年戲冇簽約就開工係講個信字，又唔係第一次合作，諗唔到亞視會咁處理，真係經一事，長一智！」

陳秀雯昨日為舞台劇《情歸何處》開會。

陳秀雯（左起）08年與萬綺雯、吳啟華、張文慈合作拍《法網群英》，未料一直收不到酬勞。

合約上的誤會

亞視高層葉家寶接受查詢時表示是合約上的誤會，法律部指秀雯追討理據不足，「冇欠佢任何嘢」，事件已經解決。

文：影視組