孟瑤抱仔掃名店專攻B女貨

34D內地女星孟瑤，年前接拍多部王晶執導電影，憑其火辣身材成功上位，去年10月突然與內地富二代周磊秘密產子Dustin，然後長居北京做賢妻。

一身耀眼名牌

日前孟瑤被發現抱住囝囝與媽媽及女星好友趙彤，現身銅鑼灣穿梭名店掃貨。尚未修身的孟瑤一身闊太打扮，皮褸襯連身裙配Chanel鞋，手戴鑽錶和手鐲，閃爍搶眼。至於兒子Dustin精靈可愛，單眼皮和小嘴巴，與孟瑤十足餅印。

兒子Dustin似足孟瑤，精靈可愛。

孟瑤「吻別」愛兒後，便與趙彤去睇戲。

一行人首先入Dior童裝店，細心挑選奶瓶、衫仔和鞋仔等，她毫不在乎價錢，期間還挑選粉紅小手袋，難道金叵羅變B女？離開時，孟瑤從母親手上接力抱兒子，免得母親抱住巨B太疲倦，臂力十足的她，繼續巡了多間店舖仍未見手軟，而且邊行邊搖無停手，期間她停留在擺滿玩具公仔的櫉窗前逗BB，場面溫馨。

生三個夠熱鬧

當孟瑤發現記者後微笑回應，表現大方，提到老公周磊，她一臉幸福，甜笑說：「佢返咗北京做生意，我留多幾日就走。（會唔會再生BB？）好想，我同老公都好鍾意小朋友，最想生三個，生女都無所謂，想屋企熱鬧啲！」

孟瑤坦言在北京生活有點悶，所以不時返港約朋友敍舊，之後她錫錫兒子後將他交給母親，自己就與趙彤去中環睇戲。

文、攝：專案組