鍾嘉欣老公要有阿爸
鍾嘉欣昨日出席電話品牌活動，當她知道同場的Amanda S.快將結婚時更即恭喜對方。問到嘉欣有否心郁郁想嫁？她就笑言現正物色對象，同時又透露理想對象的條件：「我希望佢心地善良、有愛心、錫自己同屋企人、有上進心，仲有身體健康！最好有爸爸feel啦，我唔想搵啲玩玩吓。」對於其緋聞男友林峯有可能再度流出慾照，嘉欣就力撐對方：「我冇睇過呢個新聞，希望唔好再講啦，對阿峯好唔公平，希望件事可以快啲完。（擔唔擔心自己係女主角之一？）吓？唔擔心！」
另外，同場的準新娘子Amanda風騷地透露自己將於五月到意大利籌備婚禮，問她是否相當期待自己的婚禮？她就說：「冇乜，我哋拍咗八年拖，又住埋一齊，依家感覺上似搞一個大party多啲！（生B？）我諗住出年會安排生B！」