林峯受霜害落淚接受
再被潘霜霜狙擊的林峯，昨勇於面對傳媒訪問，坦言若果二人拍拖時傷害到對方，如今是一個報復的話，他甘於接受，而自己的心情不比對方好過，更是無比心痛。
無綫劇《回到三國》昨有拜神儀式，監製劉家豪表示林峯因錄音而未能出席。其後林峯由經理人、樂易玲、劉家豪及恰巧回廠錄影的曾志偉等人陪同下現身，似乎有備而來的他表示未有留意有關疑似情慾片流出之報道，但有聽身邊人講過，他說：「件事發展到依家咁，我想講如果兩個人拍拖期間真係形式上傷害到佢，作為一個報復嘅話我甘心接受。佢（潘霜霜）仲後生，希望大家可以振作番啲。」
諗過去溝通
林峯又提到事情一開始已冇一個人心情會好，自己又絕對不比對方好過。問到有否想過相片是被偷時？他眼濕濕的謂：「我冇考究，兩個人真心相愛冇必要去到呢個地步，我係無比心痛。（打畀佢了解？）之前有掙扎過想去溝通，不過唔係適當時間。」之後原本戴着太陽眼鏡的他由樂易玲陪同下轉身離去，同時除下眼鏡抹掉眼淚。
被要求發誓
另一方面，林峯緋聞女友陳嘉桓昨出席活動時被問到有否留意報道時，她解釋該批照片是之前與林峯到台灣拍MV時影，她說：「嗰陣仲有好多工作人員，估唔到出到嚟變成咁。（有冇上佢屋企？）冇。」其後她被要求發誓，但她並沒有做到，問到為何不敢？她說：「師傅對我好嚴，唔想我畀其他嘢影響到，驚依家發係炒作新聞。（第三、四、五、六者係咪你？）唔回應。」
文：影視組