陳慧琳走出陰霾月底復工

38歲的Kelly接受人工受孕懷有孖女，可惜早前懷胎5月的她不幸小產，身心都飽受打擊的Kelly，出院後一直躲在家中休養，幾乎足不出戶，就算早前演藝界為日本賑災，Kelly都是在家中自拍呼籲短片，不想因自己的出現成為焦點，轉移籌款視線。

心情平復

惟本報收到消息，指Kelly將於本月29日復工出席金至尊旗艦店開幕儀式，屆時她以代言人身份跟曾志偉擔任剪綵嘉賓，廣告商已發邀請函通知客戶；本報向Kelly求證，她透過助手回覆：「Kelly休息咗差唔多2個月，身體同心情都好好多，所以開始做番工作，積極面對生活。」

Kelly早前暫忘傷痛，自拍短片為日本賑災。

經歷創傷的Kelly幸得丈夫及兒子的支持。

中藥調理

復工在即，問Kelly緊唔緊張？她的助手說：「唔緊張，佢喺屋企都悶，想做番嘢。（驚唔驚見傳媒勾起傷心事？）佢都有心理準備，不過希望大家盡量唔好提，佢好眼淺，怕大家問到佢忍唔住會喊。」

至於Kelly的近況，助手表示她閒時在家湊仔，因為唔吹得風，所以絕少出街，都是上網留意新消息，看時裝雜誌、電視、聽歌解悶，他說：「Kelly睇緊中醫調理身體，精神都ok，依家揀緊歌，計劃出廣東碟，佢收到好多中、港、台歌迷鼓勵留言，覺得好感動。」

文：音樂組