婷婷安志杰有錢撈亂使
大嫂張栢芝片約一部接一部，謝婷婷亦工作不斷，昨日婷婷出席愛彼錶女皇盃記者會，以一襲白色長裙現身，她說細細個便喜歡馬匹，因父親謝賢是馬主，故曾學過騎馬。問到會否入馬場投注？她說媽咪狄波拉及鬍鬚Kong會帶她入場：「Uncle Kong會做晒功課，媽咪乜都賭一餐，我覺得賭會令氣氛好好，當係家人聚會！」
有指兄長謝霆鋒及阿嫂因財政問題意見分歧，婷婷表示不知情：「上一次見阿哥係佢公司開張，阿嫂就好耐冇見。（佢哋有冇嗌交？）唔清楚。」她表示跟男友安志杰無分彼此，不介意將錢撈亂使：「我嘅錢即係佢嘅錢，雖然冇同一個戶口，但我哋冇計。（婚後你管錢？）我諗要搵個會計師，媽咪笑我哋好快用晒啲錢。」