楊崢換車換樓靠自己
名模楊崢（Vanessa）昨日為港燈「家用電廚具中心」主持開幕儀式，並即場獻廚藝。有指她最近忽然富貴，換車又換樓，傳搭上隱形富商男友，不過Vanessa就否認有富商男友，但就直認換車，至於是否搬上半山豪宅，她亦未有否認：「我唔講，私生活涉及到家人。（新屋租定買？）唔答。（怕唔怕被質疑收入來源？）我做咗嘢咁多年，要保持舒適生活，每一個獨立女性都有能力做到。」
問到是否蜜運中，Vanessa再次以私生活為理由不肯回答：「我對感情生活向來好低調。有好消息會同大家公布。（結婚先講？）我唔知，冇諗咁長遠。（閃電結婚？）結婚係兩個家庭嘅事，要睇將來另一半嘅意見。（你恨唔恨結婚？）見到林熙蕾個婚禮，好鍾意。（好羨慕？）戥佢開心。」她自爆近期有幾位好朋友結婚，並笑言若在婚紗店見到她，不要誤會她結婚，她只是幫好友辦婚事。