賑濟日本 姚予晴飛機接災民
3‧11日本大地震及海嘯，災民不但痛失家園，如今更受到輻射的威脅，人人都萬分痛心。港人紛紛伸出援手，無私地捐款助日本災民渡過難關、重建家園，除了金錢，物資及精神上的支援亦很重要，藝人鄭丹瑞希望把《愛心無國界311燭光晚會》的片段送給他們，音樂人黃家強望譜出新歌給他們送出正能量，鼓勵災民即使面對逆境，仍能堅強地活下去！
Gucci
姚予晴
名模姚予晴（Mikki）的禮物可謂十分有心思，她希望能夠送一架飛機給災民，Mikki說：「好多災民失去家園，要住喺避難所，如果可以，我想送架飛機畀佢哋，接佢哋離開受核輻射威脅最嚴重嘅地區，咁梗係先接走啲老人家同小朋友。」
蔣怡
名模蔣怡會送上食物或食水予災民，她說：「佢哋目前好需要救援物資，日本本身都幾有錢，我覺得帳篷同棉被佢哋應該有好多，反而未被輻射污染嘅食物同食水會好缺乏。」
楊千嬅
會為日本災民送上乾淨食水的楊千嬅說：「水好緊要，當地部分地區嘅水受到輻射污染，BB仔冇水飲，所以我一定會先送水畀佢哋，其次就係食物包，入面會有一啲有營養嘅食物，仲可以送啲保暖嘅衣物。」
鄭丹瑞
藝人鄭丹瑞（阿旦）最想送《愛心無國界311燭光晚會》的Video給日本災民，為他們打氣及鼓勵他們振作：「由嗰啲片段可以睇到佢哋面對緊嘅困境，又可以睇到香港演藝界同香港市民都好支持佢哋，仲有專程嚟參與嘅日、韓藝人，當日大家都好用心去做，我覺得好感動，希望可以激勵佢哋嘅士氣，『奸爸爹』！」
Techno Series限量Tee預演
Alice B.
名模Alice B.認為日本人現在最需要的是個安全的住所，雖然這方面愛莫能助，但物資上她則全力奉獻：「我已經捐咗一啲罐頭食物去日本，因為依家連農作物都受到輻射影響，真係好令人擔心。」
吳嘉龍
信奉佛教的吳嘉龍認為天災是因人類不斷破壞自然而引發，呼籲大家改變生活方式：「好似我唔食太多海鮮同肉，就算食刺身都唔會食吞拿魚，因為就快絕種。」除了捐錢外他亦把家中的衣物捐到日本。
Club Cubic
黃家強
音樂能感動人心，音樂人黃家強亦希望藉着音樂幫助日本災民，他說：「我可以作一首歌嚟籌款賑災，將籌得嘅善款捐晒畀佢哋。」
何家華
賭王孫女何家華認為當然是送水和糧食最實際，但若真的要選一份禮物送給日本災民，可以的話她想送上自己全部的時間，她說：「送晒自己啲時間畀佢哋，我就可以全力以赴咁去幫助佢哋。」
