有病就梗係要睇醫生，模特兒都唔例外。不過，有病就多數睇私家醫生的他們，又知唔知公立醫院睇急症門診要幾錢呢﹖
趙嘉懿
唔知喎﹗無睇過。我有病多數都係喺屋企附近睇私家診所，因為公立醫院要排好耐隊。（公立醫院要100蚊。）咁價錢都好合理。
陳嘉容
我估四、五十蚊啦﹗以前細個成日睇，因為細個家境唔好，又多家姐，記得當年只係十蚊。（依家係100蚊。）估唔到依家貴咗咁多。
周倩圯
好似幾十蚊至百幾蚊，如果養和急症室我就知，因為我經常睇，每次三百五十至四百蚊。
諸葛梓岐
唔知，我一直都係睇私家醫生，因為隨時都可以搵到。每次睇醫生大約要五百蚊啦﹗
答案﹕100元
