林敏驄瞓地剝衫任女魚肉
貪玩的林敏驄向來愛撩異性，日前有指他拍下節目拍檔譚杏藍（小花）的走光相放上網，令對方大為失落。昨日兩人同場主持亞視節目《智醒智勁四方城》時明顯沒甚交流，阿驄則一貫作風未見收斂，與o靚模嘉賓DaDa Lo及Annie G.玩到癲，三人互玩高炒影相，攬頭攬頸，阿驄更high到瞓地被兩女除衫鈕。期間小花因要拍劇集《親密損友》先行離開，阿驄語帶雙關說：「有個主持消失咗，全場為佢默哀，我惟有搵個阿婆頂。」
還有三集完成拍攝
阿驄接受電話訪問時表示心情大靚：「今日玩到好開心，仲畀DaDa非禮，我要報警呀！係唔明點解有個主持可以做做下唔見咗人。（安撫番小花？）吓？呢啲嘢亞視做啦！我冇義務幫亞視教女。（同佢面左左？）冇，各司其職，唔會做額外嘢。」阿驄否認被叮出局，並指本身還有三集便完成，問到是否由梁思浩頂上？他說：「唔係！我都同老闆王征傾過，佢都話唔係。（主持下一輯？）再傾啦！我大把嘢做。」
小花稱與阿驄同場不覺尷尬：「要啲時間適應，會用開心嘅心態工作。（覺得阿驄點？）我好尊重呢位前輩，人與人之間要互相尊重。」此外，最近有人不斷在微博中指小花搶人男友，令她大受困擾：「每個男友同我開始時都係單身！」
文：影視組