栢芝打造霆鋒型look爭影帝
香港電影金像獎本月十七日舉行，被喻為影帝大熱的謝霆鋒，於提名作品《綫人》大獲好評，昨日他偕同老婆張栢芝高調於金鐘名店出巡挑選戰衣，全程十指緊扣晒恩愛，栢芝直言要充當形象指導為老公打造型仔Look，有意留港見證老公攞獎一刻。
「第三十屆香港電影金像獎」將於十七日（周日）舉行，今屆入圍的五位影帝均勢均力敵，周潤發、張學友、梁家輝及張家輝統統為影帝級人馬，而同以英皇電影《綫人》角逐的張家輝更是多料影帝，霆鋒雖然未有影帝名銜，但憑他於片中的破格演出，表現毫不比其他影帝級遜色，加上近期公司擴張之喜，人逢喜事，亦增強不少自信心。
「濕平」留低兩子
隨住頒獎禮日子逼近，霆鋒亦四出搜羅戰衣，昨日下午約五時，霆鋒便與栢芝現身金鐘，只見兩人不斷穿梭男裝名店，左挑右選，期間發現記者拍照，兩人仍保持微笑，還大方接受訪問。
原來霆鋒已準備好上半身戰衣，現時只需挑選適合的褲子來配合，對於霆鋒有機會問鼎影帝，栢芝坦言心情比老公還要緊張，故即使家中只剩下傭人與兩個囝囝，也堅持為老公挑選戰衣，她笑謂：「平時真係唔放心，因為兩個小朋友通常有家姐湊，但家姐個女要返加拿大開學，有排都唔返，所以得傭人睇住。」
栢芝兼顧霆鋒的形象指導可謂綽綽有餘，她說：「老公佢好從容，我就緊張啲，你睇佢今日着住拖鞋都知啦！有我幫佢係咪OK好多呢？」栢芝接受訪問之餘，還要安排霆鋒試身，認真忙碌，不過兩人仍不忘恩愛，不時十指緊扣，即使被記者取笑也冇有怕。
望留港支持老公
愛夫心切的栢芝更反問記者：「你覺得佢贏嘅機會有幾高？如果你話佢贏我一定去。」據知栢芝於頒獎禮當日有工作在身，現正與有關方面溝通，望能留港支持老公，可想而知霆鋒於其心中是何等重要。
雖然栢芝想盡辦法現身支持，但霆鋒卻表現淡然：「我真係冇乜所謂，緊張只係開公司嗰日啫！」在旁的栢芝亦附和說：「佢真係冇咩所謂，對於老婆嚟講，佢入圍已經開心，但就梗係想佢贏啦！」其後兩人繼續向其他名店進發，期間有傳媒要求合照，他們亦爽口答應，親民非常。
文：影視組