鄭詩韻隨時生買定靚衫等收身
已有一子的名媛榮文蔚表妹鄭詩韻，即將做第二任媽咪，第二胎又是兒子，預產期在4月11日，快將臨盆的她近日卻頻頻出動狂掃靚衫和靚鞋，她說：「基本上上次生BB所有嘢都可以用番晒，開始為自己打算，呢排幫自己買定好多靚衫，上次生完BB一個月就收身，所以估計今胎都快，好快就可以着得靚衫。」
鄭詩韻笑言老公陳鴻業也會跟上次一樣，陪伴她入產房，打算自然分娩的她，表示已執好行李，方便隨時入院生BB。她透露老公已為腹中BB改了英文名Ashton：「老公話覺得狄美摩亞個老公好靚仔，所以就用咗佢個名。老公、大仔同細仔英文名都係A字首，全屋有三條A，希望遲啲追多個妹妹，咁就有四條A啦！」