佘詩曼爆無綫有加人工
馬德鐘的太太被指於微博向無綫高層樂易玲發炮，為老公抱不平，昨日記者致電馬德鐘，他謂︰「我今日都同樂小姐傾過，佢反而擔心我太太有乜唔開心，我同樂小姐關係好好。」說到上次記者問樂易玲有關馬德鐘年底滿約一事，樂易玲竟指他「發夢」，馬德鐘謂︰「我都在場，佢係講笑形式啫！（今次有冇影響傾約？）份約傾緊，好多方向要考慮，大陸我都有傾，自己只想發展空間大啲。」
而佘詩曼於另一活動中聽到此事時謂︰「唔係啩！唔係佢嚟嘛！（無綫經常被指刻薄？）唔會，我都有加人工，拍劇一定辛苦，惟有頂硬上。」說到林峯與潘霜霜事件，她謂︰「每個人個性唔同，應該好來好去，（林峯有冇請你去佢屋企?）點會呀！傳啫嘛！」