陳豪請番監製飲咖啡

陳豪昨日出席活動，對於日前指他忙於在馬來西亞開咖啡店而推劇，他表示：「我正職係一個演員，其實我好多謝監製畀呢個機會我，雖然我哋未合作過，但希望下次仲有呢個機會！（監製好嬲？）公司嘅嘢我唔方便評論，希望大家都唔好唔開心，最多我請番佢（監製）飲咖啡！」TVB最近出現藝人「逃亡潮」，他就趁機力撐自己勤於工作：「我試過最多一年拍110集，其實只要公司安排劇畀我，我都冇推過。今年我有少少空檔，所以想實踐我嘅夢想。」