B女扯火：那個Rat Family
鍾鎮濤女友范姜與前妻章小蕙胞妹章小婉發生爭拗事件後，B仔鍾嘉浚一句「斷絕」與章家關係，即惹怒生母章小蕙要逐他出美國，細妹鍾嘉晴即安慰哥哥，直指不用理會那個「Rat Family」。
阿B與前妻章小蕙所生的兩名子女鍾嘉浚（B仔）和鍾嘉晴（B女），連日來在Facebook為范姜護航，嘉浚更爆粗兼說與章氏人等「斷絕關係」。
「嬲媽咪嗰邊」
嘉浚昨日再次留言大爆將被母親章小蕙趕出美國兼要他退學，指摘他竟攻擊章家人。隨後妹妹嘉晴便留言撐哥哥，安慰他不用擔心，很歡迎他返港，所有屋企人都在支持他，並說台灣都是個不錯地方，他都可以考慮一下。嘉晴更成熟說：「唔使理出面人點講，我16歲，你21歲，我哋都唔係細路仔，但姓章嘅人仲以為我哋係五、六歲冇腦嘅細路。」嘉浚留言說只想保護家人，就算向世界作對都不緊要。嘉晴更不滿地說：「除了那個「Rat Family」（老鼠家庭）外，其實有很多人都愛錫我們。」
嘉晴昨日約下午四時放學乘的士回家，她承認在台灣不慣一個人生活，但就是想學習獨立和學好中文。她謂：「有啲嬲媽咪嗰邊，無端端咁講Aunt（范姜）。（有人話你被打？）佢想搞新聞之嘛。」嘉晴坦言雖然未與阿姨碰面，但就算見到都不會和她打招呼。
不欲嘉晴留台
至於昨日范姜和章小婉都未見外出，而阿B在中午到中環做Gym，做完運動後回家不久再離開，有報道指嘉晴去年曾被范姜放逐台灣，對於嘉晴不願到台灣，阿B表示：「啲雜誌又知我屋企事？佢（嘉晴）想去邊咪去邊，佢有思想o架啦！（佢唔想去？）係我唔想，我唔捨得佢，佢喺台灣一年我就飛咗十次八次，咁唔掂呀！」
講到今次事件是否有人搞事？阿B說：「唔講呢啲，冇關係。今次事件當係打個『思嗝』。」
文：音樂組