樂易玲：我冇棒打鴛鴦！
林峯前女友潘霜霜日前再度對外發言，暗指無綫高層棒打鴛鴦，矛頭直指樂易玲！對此樂易玲昨日回應：「佢話高層啫，雖然我唔否認我係高層，但我都未必係佢講嗰個人！」同時，樂易玲又透露曾於一次飯局見過對方，該次是林峯正式把對方介紹給她認識，她謂：「嗰次打邊爐馬德鐘都喺度，我又未至於棒打鴛鴦咁嚴重，阿峯咁大個人，我都唔方便干涉佢。有段時間我察覺到佢情緒唔穩定，都有勸過佢，佢仲有好多日子要走，我都叫佢努力畀心機。」同時她又不相信林峯與潘霜霜初次見面便把對方帶回家。
另外，林峯前緋聞女友鍾嘉欣透露於拍攝劇集《溏心風暴》時亦與一大班同事到訪過他家，又出言力撐對方：「我希望呢啲新聞唔好再出嚟，私人嘢唔應該咁樣講出嚟。」而林峯本人昨日就特地回到母校廈門大學慶祝其九十周年校慶，更有女fans熱情送花擁抱，並未因最近的緋聞而影響人氣！
