焦媛內衣登場慶生日

焦媛、歐錦棠及高志森等昨出席舞台劇《女上男下》的記者會，一眾演員更穿上由藝人黃宇詩設計的內衣上場，場面香艷。焦媛透露其另一套舞台劇於前晚公映完畢後立即返港預備昨日的記者會，大呼自己幸運：「我哋套劇嘅演員今朝搭巴士時撞車，好彩佢哋冇受傷咋，但如果我喺車度就趕唔切嚟啦！」
黃宇詩（左）與焦媛穿內衣出場鬥香艷。
黃宇詩（左）與焦媛穿內衣出場鬥香艷。

她又透露與黃宇詩同於前天生日，問到她男友高志森送甚麼禮物？她即語帶投訴的表示：「冇呀，我生日佢嚟捧我場，話自己就係份禮物喎！諗諗吓佢已經好多年冇送過禮物畀我。」提到生日願望，她笑言：「希望每個show都大賣，同埋身體健康，（結婚？）冇時間呀，所以唔諗啦！」

兩位壽星女獲送蛋糕，開心拍掌。
  • 兩位壽星女獲送蛋糕，開心拍掌。