森美慳住養家女人斷財路
森美昨日出席維特健靈的「森美與您饌髮魅力記者會」，以王子造型跟觀眾打成一片，他坦言第三度獲邀續約產品代言人，薪酬更增加50％，他說：「依家真係要節衣縮食，一家四口，希望儲多個錢，過去一年我都冇碌卡，好少亂買嘢。」森美坦言代言人經常獲贈健康產品，令他一家受惠，問到森美會否考慮全家拍廣告？他說：「唔會啦，我女人唔肯。（小朋友呢？）我女人唔畀，佢連出街畀人認出都唔鍾意，重金都唔會心動。」
同場的陳曦齡表示日本大地震發生後，非常擔心妹妹陳美齡一家的安危，她說：「勸好多次佢都唔肯返，佢做完賑災當晚即時返日本喇，惟有叫佢安排小朋友過嚟香港先，我都有寄水同埋電池去日本，妹夫同災民都好需要。」
