阿姐速閃秋官黑面着晒火

一連三場《鄭少秋‧汪明荃‧喜多郎新紀元2011演唱會》前晚完騷，秋官的fans霸佔前排靚位氣勢十足，相反阿姐的fans卻坐在側邊位，難怪阿姐在台上公開埋怨：「4月係我入行44年，今晚好感觸，見到fans分黨分派，三晚秋官fans都係坐前面中間位，老闆對你哋好好，呢個唔係我想，啲飛唔係我控制。」

阿姐：我好攰

阿姐完騷後在老公羅家英陪同下出席慶功宴，但祝酒後卻一支箭離場，寧願在門外跟fans合照也不做訪問，記者追出去，阿姐說：「我好攰。」

說到鄧光榮猝逝，曾被對方在沈殿霞追思會上怒罵不照顧欣宜的秋官一直冇回應，前晚他避無可避終開腔：「聽到呢個消息好難過。」不過對其他問題包括傳欣宜跟契爺反面、恩怨是否一筆勾銷、會否出席喪禮等均封嘴「唔回應」。有記者直言秋官很少如此，秋官頓黑面扯火說：「你知咪好，唔好咁過分，仲有冇嘢想問？」即令全場無聲，秋官即起身走人。

鄭少秋堅拒多談有關鄧光榮的問題。	左起：鄭少秋、汪明荃和喜多郎滿意演唱會成績。	汪明荃沒有接受訪問，由羅家英接載離去。
趙世曾帶女友現身，跟舊愛姚煒同場。	姚煒

籌10萬元賑災

此外，三場個唱共籌得10萬元捐助日本災民，喜多郎感謝港人支持。而前晚尾場趙世曾攜女友現身，他的舊愛姚煒則跟梁安琪睇騷，新歡舊愛共冶一爐。

採訪：音樂組