祖兒行善受阿詩影響
容祖兒昨日以「樂施大使」身份現身機場出發到雲南探訪，她不諱言今次是「密友」何韻詩拉攏下成為「樂施大使」：「都有啲關係，阿詩之前係『樂施大使』，見佢做得咁開心，大家都互相影響。」
對於阿嬌（鍾欣桐）外公因病去世，祖兒說日前在活動上碰見阿嬌，每當提起外公，阿嬌便擔心得雙眼通紅，祖兒說：「我知道阿嬌一直好錫佢公公，相信佢公公見佢咁孝順都好開心，希望阿嬌振作。」
謝霆鋒以三億天價續約英皇八年，對此，祖兒坦言恨到流口水：「我有啲後期製作同配音都係搵佢間公司做，所以佢有今日應該要多謝我少少。」又說想不到霆鋒會續約，深信公司真的很錫他，而霆鋒亦是飲水思源的人。問她將來續約是否以三億簽八年為底線？祖兒笑言：「咁一定係公司抵啦，我係無價o架！」