離巢北上搵人仔 阿佘袋百萬做「Model」
佘詩曼與無綫結束多年包薪合約，阿佘挾無綫一線花旦之名，於內地市場甚有叫座力，中港兩地不少大公司均想將她羅致旗下，雖然尚未落實，但阿佘踏出無綫接拍首部劇集，就是以過百萬人仔為華誼拍攝新劇《模特兒》，跟台灣型男高以翔及曾演劇集《宮》的韓國男星金楨勳合作。
阿佘跟華誼亦有傾談其他劇集，包括與孫紅雷合作的《曹操》及另一部大製作《非誠勿擾》電視劇版等，但目前尚未落實。雖然頻頻搵人仔，但阿佘與「娘家」無綫關係依然良好，會改簽部頭合約，每年拍攝一部卅集劇集。
對於成為搶手貨，阿佘接受電話訪問時說：「依家係有大大細細嘅公司都有傾緊，唔係淨係錢嘅問題，都係想睇吓發展點，所以要慢慢諗。（過百萬人民幣接拍新劇？）唔……總之價錢好理想啦！（仲會幫無綫拍劇？）呢個一定會，同無綫關係仲好好，所以每年都會返去拍一部。」