大讚超雲山聰相襯 何超盈力撐家姐新戀情

前晚亞洲豪華蒲點之一的Club Cubic正式登陸澳門新濠天地，並舉行盛大開幕禮，現場星光熠熠，賭王孫女何家華、四太長女何超盈、薛芷倫、馬清揚及太太錢慧儀、李彩華等現身撐場，大會更邀得美國著名Rapper Flo Rida擔任特別嘉賓。

何家華騷新男友

單拖到場的何超盈，對於早前有指三太長女何超雲和陳山聰齊搭直升機過澳門，超盈擺出維護姐姐的姿態說：「唔知係咪佢，睇唔到樣，（問超雲？）如果佢話唔係就唔係，佢有權選擇同咩人拍拖，佢同咩人我都支持。（似你公開戀情仲舒服？）佢話咗依家唔係，（你信晒佢？）梗係，佢做乜都支持。」而問她超雲跟陳山聰是否相襯？超盈說：「都幾好，鍾意就襯。你哋覺得我同男友襯唔襯？（好襯！）多謝晒！」

而早前透露已離婚兩年的何家華，前晚首次偕同拍拖一年的男友Daniel（Dan）公開亮相，她指對方是從事廣告及跟賭場有關的生意，更說自己一對仔女都喜歡他，但暫時太忙，未諗結婚，稍後會帶男友給賭王過目。問到對賭王早前的股權安排是否滿意？她說：「其實畀咩都ok，我一向做自己嘢，嚟緊同男友同埋拍檔搞網上廣告公司，（賭王分配公平？）佢一向都係，佢都照顧我咁多年，做埋Daddy嘅責任。」

何家華與拍拖一年的男友Dan到場，謂稍後會帶男友給賭王過目。	李彩華以短裙亮相，大騷美腿。	馬清揚及太太錢慧儀恩愛到場。

為日本地震痛哭

至於偕同日籍太太到場的黃家強，表示日本大地震令太太哭了數次，並已多次致電身在日本的外父。家強指外父為醫生，勸喻他們不要到日本探望外，更說暫時不需寄運物資。