Amanda玩登糕 諸葛愛升空

結婚是人生大事,每個人都希望辦一個完美的婚禮,為自己及愛人留下畢生難忘的回憶。快將披嫁衣的名模Amanda S.及諸葛梓岐,都分別有自己的夢幻婚禮,前者想要個cake tower結婚蛋糕,後者想坐熱氣球結婚。

DBS信用卡活動

婚期將至的Amanda S.甜蜜表示:「要有好味嘅食物,同埋有靚嘅婚紗!仲有,個結婚蛋糕要係cake tower,高到要爬梯上去食嗰種!」相信她的夢想婚禮很快便會成真!

蔣怡認為婚禮並不重要,只是形式,最重要是與心愛的人在一起。她打趣謂:「喺世界末日嗰一刻,同佢講好啦,我嫁畀你!(如果世界末日唔嚟?)咁我唔嫁。」

已婚的丁子高毫不猶豫說:「同千嬅嗰個(婚禮)就係啦!唔會有第二個架啦!」可想而知他對婚禮有多滿意,是他與千嬅共同編織的美好回憶!

BMW6系開篷車揭幕及派對

預告將拉埋天窗的諸葛梓岐還未開始籌備婚禮,但對夢想婚禮有一籮籮構思:「我想坐熱氣球結婚,或者喺海邊舉行婚禮,仲要有好多花,我好鍾意夏威夷,每年都去度假,喺嗰度搞婚禮就最好。」

莊思敏的夢想婚禮,最緊要是雙方家長及賓客都好享受,她說:「唔好畀太多嘢兄弟姊妹團做,我想大家玩得輕輕鬆鬆,好似去party咁。」

熊黛林的夢想婚禮,不在於地點、季節或打扮,她認為身邊人最重要:「最緊要另一半係理想對象,咁無論去邊度舉行婚禮都冇所謂﹗」認真甜到漏。

湯盈盈想擁有一個白色婚禮,地點首選加拿大,她解釋:「因為家人都喺當地,最好可以請晒所有朋友飛過去。樣樣陳設、婚紗都係白色,仲要喺冬天舉行,外面落住雪就最完美。」

第四代Canon女Alice B.的夢想婚禮竟與電影有關,她笑言:「我以前睇過套戲《Robin Hood》,有場戲喺森林舉行婚禮,好貼近大自然。我又好鍾意《Sex and the city》入面個女主角着住Vivienne Westwood嘅婚紗,好Glamour。」

林莉自言不太喜歡童話式婚禮,反而着重莊嚴及神聖感覺,最理想在教堂舉行:「婚禮好簡單,唔需要好多人,簡單款式婚紗,但要有好長好長嘅拖尾,用白色蘭花作擺設。」