食米唔知價
用八達通乘搭電車 成人、長者及小童分別需付多少錢？
陳靜
成人$2元，小童及長者係咪$1，好耐冇搭電車，以前曾經有搭過，搭電車好Feel好舒服，星期六日搭就好逼好多人，所以都少搭咗。
張致恒
我估$3同$1.5，因為好似加咗價。（2元咋﹗）咁平？我真係大鄉里。其實我以前成日搭，唔趕時間嘅話，由銅鑼灣去中環慢慢坐都唔錯。
吳日言
係咪$2.5同$1.2呀？吓？2元咋，我仲以為加咗價添。我住港島區，好鍾意「叮叮」又平又唔會點塞車，以前曾希望開「電車生日派對」添。
關楚耀
$2同$1，答中咗？我半估半知啦，因為我住港島區，一向都有搭電車習慣，好近我屋企，我鍾意坐電車，幾浪漫架，尤其夜晚坐，啲風吹埋嚟感覺一流。
答案：成人：$2、小童及長者半價：$1