羽翹港大女生巡演Ball后
曾推出過歌曲《港大女生》的歌手羽翹，是如假包換的港大女生，07年於香港大學生物系畢業，大學時代的羽翹很愛跳舞，她經常在聯校舞會留下腳印：「我大學時代係Ball后同hip hop dancer，我哋有自己嘅dancer，仲成日巡迴演出，有時仲會走堂去跳舞！」
不過羽翹自言舞藝一般，經常被安排在最後排側邊位置，但提起Ball，她一臉春風笑說：「雖然冇住Hall，但好鍾意去聯校Ball，仲收好多玫瑰添o架！」她選修的科目上堂時間有彈性，所以更能自由參與不同活動，羽翹說：「我亦有參加學生會，記得嗰時搞活動冇乜幾多經費，為咗慳錢我試過將收番嚟嘅花擺落個籃度再賣，夠晒環保！哈哈！」
香港最高學府
香港大學是香港最高學府，亦是香港第一所兼歷史最悠久的大學，創校於1911年，校訓為「明德格物」，國父孫中山是港大醫學院首屆畢業生。演藝界的港大校友眾多，當中包括林夕、許冠傑、謝安琪、方力申、董敏莉、許廷鏗等。
文：專案組