C君拖未婚妻晒鑽戒
農夫成員C君昨日帶同未婚妻Gloria上郵輪出席「海上婚禮體驗之旅」，已落實明年七月尾結婚的C君應記者要求與未婚妻合照，又捉着對方的手展示一卡半求婚鑽戒，風騷非常；C君卻不考慮在郵輪搞婚禮，他笑言：「我驚啲朋友淨係嚟觀禮唔去飲，朋友嘅人情係主要收入，依家暫定擺三十幾圍，其中十幾圍嘅人情係畀外母嘅禮金！」C君亦透露方大同、王浩信及DJ細蘇已口頭答應做戥穿石，拍檔陸永則擔任伴郎。
此外，同場的周秀娜師妹盧頌之（DaDa）自爆與男友拍拖年半，雖然恨嫁恨到出面，但為了保持矜持不會主動「求婚」，DaDa說：「我希望將來可以着比堅尼行禮，每位賓客亦都要着比堅尼！」
