羅泳嫻空中奇緣嫁老外
無綫女藝人羅泳嫻昨日嫁予德國籍老公Daniel，一對新人於半島酒店筵請親朋，女藝人李彩寧及高皓正均有到賀。
新娘子表示與老公相識過程非常特別：「嗰時我坐飛機去日本讀書，我哋係因為坐錯位而認識，同佢都可以話係奇緣。（婚後減少演出？）唔會，最近多咗幕前工作，而且老公冇投訴，仲好支持我做幕前，明日我都有通告要拍劇，暫時唔度蜜月，留番六月先補番畀老公，暫定去法國、希臘。（幾時生ＢＢ？）我雖然32歲，但依家科技太好，我又多咗幕前工作，我好鍾意細路哥，有ＢＢ會全職照顧佢，所以暫時未計劃，但會盡快。」