官恩娜嚇窒痰上頸
向來惹火的官恩娜（Ella），曾經被狂迷在台上強吻，昨日又有fans在活動上向她示愛，大叫：「愛你一萬年！」嚇得她痰上頸兼語窒，但相信fans沒有惡意。
Ella和DJ當奴昨日在荃灣出席電影《3D奇鸚嘉年華》森巴狂熱揭幕禮，在台上與閃爆Bra Top女郎大跳森巴舞及與觀眾玩遊戲，期間一名男粉絲不停在場邊叫囂：「官恩娜，愛你一萬年！」搞到Ella一臉尷尬，掩嘴傻笑，連說話亦變得沙啞，噓了一聲解釋：「突然痰上頸。」之後，當奴更乘機「玩嘢」，將一隻自己接的紙飛機飛向該名男粉絲，並說：「Ella送畀你。」對方即時上前執。Ella刻意將飛機飛向另一邊方向，有意迴避對方，免他太過「興奮」。
不怕重演強吻
Ella曾試過被狂迷衝上台強吻，搞到要報警求助，她表示不擔心事件重演：「唔會有陰影，相信對方冇乜惡意。（會唔會同佢握手？）我都未洗手，無謂傳染細菌畀人。」問到是否她的fans？她說：「唔知係咪，但冇乜印象。」
無意嫁入豪門
另外，在電影中Ella會為個性獨立的卡通人物配音，她表示與自己性格好相似，從來唔恨嫁入豪門，她說：「冇諗過，我咁努力工作都搵到架，鍾意自己養自己，我又唔貪錢嘅。」Ella離開時，現場有數名保安護送，確保安全。
文、攝：專案組