婷婷大晒兄妹情 四哥：做得唔好兜巴星
謝霆鋒的公司昨日擴充營業，妹妹謝婷婷和老竇謝賢（四哥）前來捧場，婷婷與大佬搭膊頭合照後，火速上載微博恭喜，直豎拇指大讚霆鋒穿着西裝打扮有型。其實婷婷昨午已開始在微博大晒與霆鋒的童年相，還配以令人感動的文字，之後還有霆鋒與大仔Lucas背影相，似乎在見證霆鋒的成長路。
霆鋒老竇四哥昨日為免搶走霆鋒的風頭，到場後讓記者拍照後即飛奔入場。事後致電給他，對於霆鋒續約英皇，他說：「梗係支持啦！霆鋒依家識嘢多過我，佢咁大個仔自己話事，咩事都係雙方嘅，楊生一向咁錫佢，佢自己亦好爭氣，我都好放心交霆鋒畀英皇。」對於霆鋒演藝事業成績出眾，投資做生意亦有聲有色，四哥大表安慰，他謙稱：「哈哈，係人都叻過我，佢做得唔好我兜巴星佢呀！」