霆鋒天價續約英皇3億簽8年

霆鋒自出道加盟英皇後，多年來彼此合作無間，由於近年經常傳出霆鋒有意離巢的消息，為免惹起不必要的猜測，以及令雙方面安心，霆鋒竟在不動聲色下，以八年三億的天價，於上周提前續約英皇，可謂皆大歡喜！

「公司對我好好」

昨日霆鋒現身其電影及廣告製作公司「PO」的擴充營業活動，被記者追問續約問題時，他笑謂：「上個禮拜續咗約。（又話你自組公司？）我唔搞management，好怕同人鬧交，依家可以話畀你聽，99%冇咁嘅興趣，況且公司（指英皇）對我好好。」

據悉，霆鋒續約英皇後，以高達九百萬的片酬接拍林超賢億元新片《逆戰》，得寵程度可想而知。而另一方面，他與拍檔楊文傑合組的「PO」生意蒸蒸日上，除進佔五層萬三呎的銅鑼灣辦公室外，員工亦逾百名，本港廣告後期製作穩佔五成以上，難怪談到自己的成績，他顯得一臉滿足。問到會否搞上市？霆鋒謂：「做好呢一步先啦，其他嘢遲啲先諗，但其實我最想係幫行內培育新血，我可以提供相關器材同導師，幫助有意入行嘅新一代。」

談到栢芝日前牽涉的交通意外，霆鋒則淡然回應：「佢嘅性格會擔心咗人哋嘅感受先，所以好擔心嗰位伯伯。（幫助對方醫藥費？）佢會o架嘞。」

霆鋒於公司逗留至晚上九時四十五分，才於助手陪同下離開，他步出門口時有女fans索簽名及合照，有求必應的他與對方合照後才上車離開。

楊受成多年來對霆鋒既照顧又疼錫。（資料圖片）

謝賢舉腳贊成霆鋒續約英皇。

有意羅致栢芝

身為英皇老闆的楊受成，成功留住會生金蛋的霆鋒後，原來亦有意羅致謝太栢芝，他在答覆記者詢問時說：「栢芝無論喺演技同氣質方面，依家都可以話係全港第一，好難搵人代替到佢，佢係一個好有潛質嘅演員，但都要睇佢嘅意願！（高價簽番霆鋒？）唔講呢啲，總之天價啦。」照此而言，霆鋒與栢芝很有可能成為「同門師兄妹」，名副其實的閉門一家親！

英皇藝人管理部總監霍汶希甫回港復職，即立下大功，她昨接受電話訪問卻謙稱：「唔關我事，係霆鋒同公司嘅合作啫。（佢加碼續約？）總之價錢雙方都滿意。（三億？）價錢唔好講，但物超所值，抵到爛啦！」

文：影視組