劉亦菲喊樣 打動葉偉信
劉亦菲成為新一代「小倩」，全靠導演葉偉信的眼光。葉偉信未睇過劉亦菲與黃曉明合演的《神鵰俠侶》，但當決定開拍新一輯《倩女幽魂》時，他第一個想到的「小倩」就是劉亦菲，他說：「先係佢嘅感覺，然後係外形。知道佢一路都唔係拍得多戲，唔會咁易接戲，所以對我嚟講，係一個幾有神秘感嘅女演員。」
昔日王祖賢的倩女形象深入民心，葉偉信都覺得劉亦菲沒有祖賢那份成熟，卻別有一番吸引力：「劉亦菲好青春活潑，我想將佢拍得有種狐狸嘅本能，王祖賢係媚態啲，但劉亦菲今次算多咗o架喇！佢最靚嘅時候係喊，喊到我都覺得心痛，相信會打動到觀眾。」
