劉璇適應是非愈打愈過癮
挾奧運體操金牌選手踏入娛樂圈的劉璇，在內地雖有拍劇經驗，不過遇到首個香港電視劇出街，除要應付廣東話拍攝外，更要作好心理準備適應負面新聞。
首次為無綫拍劇，劉璇不太習慣三機拍攝兼冇覺好瞓：「我廣東話又唔太好，始終內地拍劇節奏較慢，唔會開日夜兩組，只得四小時瞓，仲要拍打戲，好辛苦，結果頂唔住發燒，又打到觸傷以前練體操嘅舊患。」
而劉璇最不習慣的，還是劇集未出街已惹來是非，被傳與陳法拉不和爭唱主題曲，劉璇坦言感到莫名其妙，不知所措，她說：「好在我同法拉都明白係咩事，冇影響友情。」其實在拍攝時，劉璇也有請教法拉如何應付狗仔隊的方法呢！
期待與陳豪合作
對新劇有何期望？劉璇期待觀眾覺得劉璇都會演戲，至於收視，她承認演員一定用心拍攝，但收視非努力就會好，故不給自己壓力，只望觀眾喜歡。而在劇中做打女，劉璇坦言初時有點擔心，家人也不忍她仍要吃苦，反而是她愈打愈過癮：「我有體操底上手快啲，如果大家覺我打得好，可以走呢條路線。（想再拍港劇？）如有好劇本都想。（想同邊個合作？）陳豪啦，同一團隊嘛。」
文：影視組
攝影：唐豁莊
化妝：jan@annie g.
髮型：wing@o4