曹蕙蘭路試過關公路驅馳

曹敏莉妹妹曹蕙蘭日前在沙田補考駕車路試，幾個月前「肥佬」的她今次做足準備，補鐘個半小時才出車，雖然有九項輕微錯處，但最後仍順利拿取駕駛執照，興奮得像中六合彩的她舉V字勝利手勢，更與教車師傅合照留念！
成功在路試取得Pass的曹蕙蘭興奮得跳起！
成功在路試取得Pass的曹蕙蘭興奮得跳起！

她笑言再衰就冇面目見鄉親父老：「之前嗰次轉彎衰咗，師傅話我流住車手血，成日都要我減慢速度。正話考到最尾都暈暈哋，手軟腳軟，視線模糊，太緊張啦，但都要撐落去！」她指雖然考得車牌，但暫不會買車：「會揸屋企人車先，終於可以夜晚播住歌喺公路上驅馳，同埋以後屋企人飲咗酒，我就可以做佢哋『柴可夫』！」

曹蕙蘭笑指師傅指她流着車手血，經常叫她減慢車速。
  • 曹蕙蘭笑指師傅指她流着車手血，經常叫她減慢車速。