譚俊彥轉戰幕後搞鬼
狄龍之子譚俊彥（Shaun）最近忙於在內地拍劇搵真銀，但原來其心願是轉戰做導演，希望用拍戲的經驗用於編寫劇本，此舉獲得其父贊成，仲希望他做幕後多過做幕前。Shaun希望拍些黑色幽默嘅戲，可能係講吓鬼，類型好似《我左眼見到鬼》，但絕對唔係Sell血腥核突。
對港產片有情意結的Shaun，最想製作一些有香港地道色彩的電影，故不會刻意拍合拍片，亦冇諗過要賺錢，不過他亦知道控制成本非常緊要。事實上，Shaun最近經常參演一些低成本短片，幫助新進電影人，早前他便到台灣拍短片，故事講述50年代的女同性戀者，該片更將參與台北電影節。
場地：Patio 88