筱靖受重用回歸吐烏氣
去年被亞視「炒」的前亞姐筱靖，今年即將吐氣揚眉回歸，獲重用主持多個節目。想起去年被炒心情，筱靖坦言是一個慘痛經歷，不覺是負面。所謂「魚唔過塘唔肥」，她曾出過大海，如今再返娘家，更會珍惜所有。
亞視高層葉家寶日前承認正接洽筱靖，希望簽她為亞視合約演員，為往後公司致力發展的旅遊及資訊等節目擔任主持一職。有鑑筱靖過往在同類型節目中亦有理想表現，問可擔心她「唔聽話」再犯錯？葉家寶說：「每個人都會犯錯，應該畀機會嘅，唔好抹殺佢嘅能力，當時佢唔要同o靚模同場演出，可能諗唔通啫，我哋今次再合作，會同佢傾演員工作性質，等佢好好配合我哋嘅需要！」
原本是「賺錢買花戴」的筱靖，家族是做禮餅生意，她一心想憑個人名氣闖出名堂，故年前參選亞姐並踏足娛樂圈，年來筱靖的確在這五光十色的娛樂圈中得到不少寶貴經歷，去年她因出言不屑與o靚模同台演出，而遭到當年在位高層鄭偉強「炒魷」，那次可算是她經歷中最「痛」一役。
體會人情 充實過活
不過，筱靖未有氣餒，踏出亞視後，她繼續從事亞姐慈善團體「仁美清叙」公關工作，又為家族推廣禮餅生意，以及出美容書，活得相當充實，筱靖坦言：「今次呢個經歷，其實畀咗一個機會我往外闖，真正做到憑自己實力去做啲嘢，雖然唔係有咩成績，但我體會到好多人情世故！」
攝：沈建程
髮型及場地：04 NO.8 HAIR SALON
化妝：Sharon Lam
文：影視組