楊紫瓊見昂山淑姬講軟禁
久未在港露面的楊紫瓊昨晚出席活動，透露由她主演，有關昂山淑姬的電影已踏入後期製作，她說：「部戲做緊後期，未有戲名，拍咗三個幾月，一月尾拍完，希望十月上映。」楊紫瓊表示曾與昂山淑姬會面過一次，感覺對方似自己auntie，她說：「部戲籌備咗四年幾，我日日夜夜都睇佢嘅書，聽佢訪問，好似同佢一齊咁。今次角色唔止扮佢，仲要明白呢個女人點解咁偉大，咁堅強。」
楊紫瓊又大讚昂山淑姬坦白，完全不介意與她分享軟禁的日子，被問到兩人有甚麼相同之處？她說：「個樣幾似，高度差唔多，我見佢好削，不過儀態好好，好有才華。」楊紫瓊又表示昂山淑姬的兒子是她的fans，很喜歡睇她的動作片。