陳豪風騷談新歡︰遲來的春天
有傳跟陳茵媺拍拖的陳豪，昨日春風滿面行騷，同場更有名模熊黛林及諸葛梓岐、汪詩詩及汪圓圓等。自言有新劇推出而開心的陳豪，被問到是否有新歡比有新劇更開心？他說：「心情係好咗，可能拍廣告同登台，搵錢係開心。（呢個春天特別開心？）遲來的春天。（呢個春天好過以前嗰個春天？）總之依家開心！」
至於頻頻睇樓是否想賣樓離開傷心地？陳豪說：「不嬲都有投資打算，我相信磚頭，唔會賣舊居。」對於廖碧兒指對他們傳出戀情不感意外，陳豪則不多作回應。
另同場的熊黛林對張智霖指入行後賺了一個家，問會否有共鳴？她說：「大個女都會拍拖，唔關係咪入行，我都想早啲有家庭。」而諸葛梓岐則指因近日性感行騷，其母親致電投訴，她否認婚前盡地一煲性感示人，她說︰「三點式同睡衣應該喺屋企着，唔會益街坊。」