陳偉霆轉型打仔最驚整傷
陳偉霆（William）近年片約不斷，稍後將到大陸無錫拍新片。今次他終於可轉型拍動作片，和前輩鄭佩佩結片緣。他說：「真係好開心，可以同鄭佩佩姐姐合作。喺戲中我有好多第一次，好似要做自由搏擊手，仲要拍騎馬嘅鏡頭。」
不過William最擔心是完成無錫的戲份，便要踏足蒙古繼續拍攝，因當地正藉炎夏，氣溫高達四十多度，雖然他不怕熱，但卻是大汗之人。他笑言：「我屆時一定變『水人』，要用超防水化妝品先可以上到妝。」
問到擔不擔心拍武打戲時有意外？William說：「我唔怕，但經理人就好擔心，因為我係跳舞歌手，整傷手腳跳唔到舞就好大件事，所以公司會買重保險。」
場地：TABLE 18@apm