雷凱欣胸大嚇窒葉山豪

雷凱欣與葉山豪因合作電影《３Ｄ肉蒲團之極樂寶鑑》而加深了解，兩人早前更被拍得在夜店表現親暱。葉山豪坦言與對方朝見晚見，感覺猶如一家人，更大讚雷凱欣經常親自下廚炮製花雕雞和韓國年糕到片場慰勞大家，相當好客。問到有否因此喜歡對方？已婚的葉山豪說：「片場就有，離開就冇。不過佢係一個好適合結婚嘅對象，但我唔考慮。（點解？）因為佢個胸太大，有啲恐懼，怕抖唔到氣。」

對女人冇興趣

葉山豪於片中與不少裸女有對手戲，問到有否尷尬？他謂：「第一日就要同原紗央莉拍床戲，都好尷尬。但後尾實在太多女仔圍住我，我都唔理咁多嘞。（唔敢正視？）初頭會o架，但有場戲廿幾個女仔圍住我，已經覺得冇特別。」經歷「連場大戰」的葉山豪笑言現時對女人已無甚興趣。他慶幸得到日籍太太支持，否則不會接拍此片。

葉山豪「東施效顰」，美感欠奉，搞笑居多。

兩人因合作而成為好友。

患抑鬱症狂喊

雷凱欣表示拍攝前積極減肥，務求以最佳狀態示人，但因過分節食令身體出毛病，醫生更指她患上抑鬱症。她說：「當時食嘢都食唔到，一食早餐就嘔番晒出嚟。」她自爆因情緒問題，不時失控躲在洗手間狂喊：「啲人以為我暈咗喺洗手間，做乜咁耐都唔出嚟。」

文：影視組

髮型：April @ hair R（雷凱欣）、Sky @ i MAKEUP（葉山豪）

化妝：Emma @ i MAKEUP

服飾：Oneway、DAISY SATTA