周秀娜情緒失控驚黐線

娜姐決定暫別寫真界，全力殺入影圈盼再創事業高峰。她將會到北京接拍驚慄片。娜姐說：「嚟緊個角色對我真係好大挑戰，因為我一個人要分別演正常人、癲婆同蒲女，而且佢哋性格陰沉，仲要係同一個場口拍，所以壓力都幾大。」

難以抽離

為演出得心應手，娜姐透露參考了外國影星妮歌潔曼主演的《不速之嚇》，又不時練習「玩自閉」投入角色：「依家喺屋企一有時間會匿埋一角，諗住個角色就會開始自言自語，搞到成個人好唔開心，最驚係自己抽離唔到黐咗線！」

娜姐笑言買衫是最佳減壓方法。

娜姐（右二）早前所拍的電影亦以性感示人，相信之後亦不會令粉絲失望。（資料圖片）

買衫減壓

雖然拍戲拍到唔開心，但娜姐笑言女人最好的減壓方法就是Shopping。她說：「最近終於有時間入春夏裝，被我發現買開嘅日本牌子Heather都為日本災民出一分力，總之買衫就有部分收益捐咗出去賑災，突然覺得Shopping好有意義。」

文：專案組

攝：唐豁莊　服飾：Heather