無綫取消人質戲馬德鐘贊成

無綫電視劇集《飛虎》日前被本報披露，指其中一個故事會類似菲律賓槍擊人質事件的情節，因而引來不少意見，就連前日於這場戲中擔任悍匪的馬國明都坦言怕影響形象。

唔用金錢衡量

本來昨日監製林志華安排了記者到現場探班，但最終又透過無綫外事部發出取消探班的通知，事後記者便收到消息，有關方面收集意見及認真研究後，同意該場戲份題材太敏感，故無綫立即從善如流，決定取消該場景。記者向無綫外事部副總監曾醒明了解時，他說：「監製強調呢場戲並非以菲律賓人質慘劇為藍本，但因外間有憂慮，擔心畫面觸動香港人心痛，所以取消呢場戲。」

問他無綫多日來於租場地、器材等製作費用損失多少時，曾醒明謂：「最重要唔係計算呢樣嘢，公司唔會用錢嚟衡量，係要顧及觀眾的感受，至於製作費損失，都係控制範圍之內。」

無綫經過認真研究後，昨日決定取消槍擊人質的情節。

昨日如常進行拍攝的宣萱臨時才收到取消的通知。

宣萱樂意接旨

此外，有份參與該戲份的馬德鐘表示都贊成公司作此決定，他謂：「公司咁樣決定都係為觀眾着想，會支持公司，（檔期有影響？）我唔知所有嘢點樣改法，要問番監製，只係今日收到通知有啲改動，成個故事點樣未知。」

而女主角宣萱於昨日拍攝中途才接到取消的消息，她表示：「公司決定我哋會照做，最重要係做好件事，我哋都係娛樂觀眾，都係要佢哋開心啫！」問對她之後檔期有否影響，她謂：「影響應該唔會好大。」

文：影視組