陳嘉桓傷腳 林峯隔空呵
林峯緋聞女友陳嘉桓（Rose）前日練習功夫時傷左腳，痛到標淚，並需call十字車入院，事後，問Rose可有致電緋聞男友林峯告知傷勢？她指跟林峯私底下沒聯絡，而林峯則透過傳媒問候Rose傷勢！
18歲的Rose，因被指獲林峯點名拍MV而傳出緋聞，但之後殺出潘霜霜，令雙方關係撲朔迷離。Rose一向有習武，前日她於武館練習新招式「旋風腿」，於三呎高的木箱躍下做動作時，因差錯腳而不慎弄傷了左腳，由於躍下時衝力大，Rose登時痛到坐在地上不能郁動，助手欲扶她起身，她都痛到大叫兼痛哭，助手見勢色不對，擔心Rose左腳骨折，遂call十字車送Rose入院，而她所屬公司的老闆冼國林亦立即到醫院查看Rose傷勢，經過醫生診治及照X光後，證實Rose扭傷了左腳腳筋。
痛到標淚
記者到醫院時，坐在輪椅上的Rose，顯得愁眉深鎖，問她腳傷情況？Rose表示：「當時真係痛得好犀利，郁一下都痛到標眼淚，依家接受完醫生治療之後，先好一啲。」問她可有致電林峯告訴對方，她說：「我已經講過好多次，我同林峯只係喺工作上嘅合作，私底下無任何聯絡。」
雖然陳嘉桓沒有將傷腳一事告知林峯，但記者都有致電林峯，問他可會問候一下女方？林峯即透過經理人回應：「自己沒有陳嘉桓電話，私底下冇聯絡，知道佢受傷，透過你哋（指記者）問候佢。」
文：影視組