恭碩良全職打鼓啞咗罷就
近日與林憶蓮傳出緋聞的音樂人恭碩良，早前他出席Puma Social派對，透露現時自己是全職鼓手，歌手只是副業，並謂剛完成王菲及陳奕迅演唱會。他自言若有天啞了可以不唱歌，但如果不能打鼓就等同死掉，記者笑問若女友不喜歡他打鼓那怎樣？他竟醒目地說：「如果對方連我鍾意嘅嘢都接受唔到，咁大家都唔會發展啦，好在我大部分女朋友雖然係圈外人，但都好接受我嘅工作，包括依家呢個都係圈外人，咁你唔使再問下一個問題啦！」四両撥千斤，否認和憶蓮的緋聞。
談到日本大地震，他表示十分哀傷，自己最好的朋友都是日本人，他說：「早排聽到有幾個年輕人話等啲日圓跌咗就過去shopping，我聽到覺得好嬲，依家啲年輕人心態好有問題，希望大家都正面啲幫吓人，因為我哋真係好幸福！」