周柏豪成籮是非 薛凱琪：食得鹹魚抵得渴
周柏豪、薛凱琪（Fiona）、方大同、洪卓立、MC Jin及狄易達等歌手，昨日出席假銅鑼灣舉行的活動，帶着一雙「熊貓眼」亮相的柏豪表示前一晚通宵為新歌錄音，並透露即將推出的新碟，其中有一半歌曲親自填詞。
歌曲切合心情
柏豪更推介新歌《Smiley Face》，他說：「即係哈哈笑，呢首歌係講我遇到一啲唔想回應對方，或唔知點回應嘅報道時，就會笑一笑或冷笑一聲！」難免令人聯想到他跟超雲的連場罵戰，問柏豪是否將此歌送給超雲？他反應極大：「唔係，係送畀fans同朋友！」
柏豪雖否認歌曲切合其心情，但他亦不忘強調：「歌詞嘅概念我有份諗！」對於超雲日前在微博留言稱小人總有生存之道，柏豪表示沒有留意：「我呢幾日都通宵錄音，唔係唔想答，而係真係冇嘢答，就算佢上載啲乜都唔會回應！」
半年拍兩劇集
Fiona雖忙於在北京拍劇，但亦有留意柏豪和超雲的報道，她說：「我叫佢唔好理呢啲花邊新聞，鼓勵佢繼續努力工作，其他私事我冇問！」柏豪被指博出位，問Fiona可有戥他不值，她說：「我媽話食得鹹魚抵得渴，佢做咗呢行都幾年，人又咁聰明，會識得點應付！」Fiona亦透露會將半年拍了兩套劇的部分酬勞捐助日本地震災民。
採訪：音樂組